Иккӗмӗшсем паян чӑваш тумӗсемпе ҫӳрерӗҫ. Чӑваш тӗррипе паллашрӗҫ. Ялавпа, гербпа паллашнӑ май та тӗрре аса илчӗҫ. Чӑваш вӑййине выляса йӑпанма ӗлкӗрчӗҫ. Чӑваш паттӑрӗпе - Андриян Николаев космонавтпа - паллашнӑ хыҫҫӑн кашнин космосра пулас килчӗ. Космоса хальлӗхе вӗҫме май ҫуккипе ӳкерчӗкре сӑнларӗҫ.
Виҫҫӗмӗш класра чӑваш халахӗн ҫи-пуҫӗ ҫинчен тата чӑваш тӗррин вӑрттӑнлӑхӗ ҫинчен калаҫу иртрӗ. Чӑвашсен паллӑ ҫыравҫи И.Я.Яковлев ахальтен каламан «Чӑваш халӑхӗн ҫӗр пин юрӑ, ҫӗр пин терӗ» тесе. Чӑнах та, чӑваш халӑхӗн тӗлӗнмелле хитре юрӑсем, сӑвӑсем, халап-юмахсем питӗ нумай. Ҫак куна хатӗрленсе ачасем чӑваш тӗррисемпе тӗрленӗ сӑмса тутрисемпе килчӗҫ.
✨ Тӑваттӑмӗш класра вӗренекенсем сӑвӑсем каларӗҫ, юрӑсем юрларӗҫ, чӑваш ҫи-пуҫӗпе тата тӗррисемпе паллашрӗҫ. Чӑваш чӗлхи кунне питӗ хаваслӑ ирттертӗмӗр.
Автор: Петрова Т.А.