Ҫеҫпӗл Мишши ҫуралнӑранпа 125 ҫул ҫитнине паллӑ тунӑ май юпа уйăхĕн 29-мĕшĕнче Комсомольски районĕнчи чăваш чĕлхипе литература вĕрентекенĕсем «Сеçпĕл – пирĕн чĕрере» семинар ирттерчĕç. Мероприяти аслă поэтăмăр çуралнă ялта – Çеçпĕл музейĕнче пулчĕ. Музей ертÿçи - Алина Николаевна Волкова - учительсене питĕ кăмăллă та тарават кĕтсе илчĕ. Поэтăн пурнăçĕ çинчен тĕплĕ каласа пачĕ. Çеçпĕл Мишшин сăввисене вĕрентекенсем илемлĕ вуларĕç, унăн пултарулăхне сÿтсе яврĕç. Вĕсем кăвар чĕреллĕ поэта асăнса палăк патĕнче чечексем хучĕç.
Поэтăн çĕр çинчи пурнăçĕ çав тери кĕске пулнӑ пулсан та вăл литература каçалăкĕнче тарăн йĕр хăварнă. Вăл пирĕн асран нихçан та каймĕ. Çеçпĕл –пирĕн чĕрере.
Автор: Тимофеева Г. В.