Ака уйăхĕн 18-мĕшĕнче Хырай Ĕнел культура çуртĕнче чăваш халăх поэтне, пирĕн ентешĕмĕре, В.В.Туркая халалласа „Туркай вулавĕсем-2023” республикăри V поэзи фестивалĕ иртрĕ. Раиса Сарпи тата Альбина Юрату сăвăçсем фестивале килсе пысăк чыс турĕç. Вĕсем пурне те ăнăçу сунчĕç. Комсомольски, Елчĕк, Канаш, Йĕпреç районĕсенчи вĕрентекенсем тата вĕренекенсем хушшинче 5-11 классенче пĕлÿ пухакансем В. Туркай шăрçаланă хайлавĕсене пăхмасăр вуласа ăмăртрĕç. В. Туркай тĕнчине кĕрсе кайса хайлав шухăш-кăмăлне, туйăмне, чĕлхе пуянлăхне, сăмах вăй-хăватне кăтартма пултарчĕç сăвă вулакансем.
Çĕнĕ Мăрат шкулĕнче вĕренекенсем – Матросов Николай тата Ильина Карина сăвă вуласа 1-мĕш вырăн йышăнма пултарчĕç. Эпир вĕсене саламлатпăр, малашне те çакăн пек çитĕнусем тума сунатпăр.
Автор - Тимофеева Г. В.