Чӳк уйăхĕн 26-мĕшĕ – Чăваш Республикин пуҫлăхĕн Указĕ тăрăх – чăваш тĕрри кунĕ. Çавна май Çĕнĕ Мăрат шкулĕнчи ачасем тĕрĕ урокне хутшăнчĕç. Тĕрлĕрен тĕрĕ эрешĕсене туса пăхрĕç. Вĕсен историйĕпе тата ятарлă паллисемпе паллашрĕç. Çăлтăрсем, эрешсем касса кăларчĕç.
5 класс ачисем вара ку çул перремĕш хут тĕрĕ кружокне çÿреççĕ. Кружока Тимофеева Г. В. ертсе пырать. Вăл вĕсене чăвашла тĕрлеме вĕрентет. Çăмăл мар пек туйăнчĕ вĕсемшĕн ку кăткăс ĕç, çапах ĕçе чунтан юратса туни ачасене йывăрлăха çĕнтерме пулăшать. Чăваш тĕррин вăрттăнлăхне çеç ăнланса илмелле иккен. Вара йывăр ĕс те çăмăлланать. Кашни çул çакăн пек тăрăшса ĕçлесен 5 класс хĕр ачисем чăн-чăн тĕрĕ маçтăрĕсем пулĕç.
Автор - Тимофеева Г. В.