Паян та ачасем шкула пухӑнчӗҫ. Шкулта лагерь уҫӑлчӗ. Малтанах вӗренекенсем хаваслӑ зарядка тунӑ май ташласа илчӗҫ. Тутлӑ пӑтӑ ҫисен ушкӑнсене уйрӑлчӗҫ. "Оркестр", "Асамат", "Хӗвел" ятлӑ ушкӑнсем хаҫат кӑларчӗҫ, командир суйларӗҫ, юрӑ вӗренчӗҫ. Кашни ушкӑн хӑйпе паллаштарчӗ.
Лагере Гимнпа, Чӑваш Республикин ялавне ҫӗкленипе уҫрӗҫ шкул вӗренекенӗсӗм. Лагерь ертӳҫи Ирина Ивановна Борисова пурне те ырӑ кӑмӑлпа пурӑнма, туслӑ пулма, сывлӑха ҫирӗплетме сунса каларӗ. Кӑҫал лагерь театрпа ҫыхӑннӑ. Кашни ушкӑн смена вӗҫӗнче спектакль кӑтартма тӗв турӗ. Спектакль валли декораци, тум-тир хатӗрлесси пирки шутларӗҫ канакансем, юрӑ-ташӑ вӗренесси ҫинчен калаҫрӗҫ.
Стадионра выляма та ӗлкӗрчӗҫ ачасем. Асфальт ҫинче юмахсенчи сӑнарсене ӳкерме те пултарчӗҫ. Тӗплӗнрех - фоторепортажра https://vk.com/album-8924897_283260241
Фоторепортаж авторӗсем: Ульяна Наумова, Кристина Попова, Людмила Петровна Коновалова.