Тинех кӗтнӗ кун ҫитрӗ. Сип-симӗс кавир ҫинче чупма выляма епле аван. Аранах хӗвеле кӗтсе илтӗмӗр. Вӗренӳ ҫулне вӗҫленӗ май шкулта акатуй иртрӗ паян.
Ҫерем ҫинче каччӑсем футболла вылярӗҫ, хӗрсем эстафета чупрӗҫ, кӗҫӗннисем вара тӗрлӗрен выляса ӑмӑртрӗҫ. Канат туртса та ӑмӑрту иртрӗ. Ачасем вӑйлӑ иккен - канат чӑтаймарӗ. Чӑн-чӑн пасар та пулчӗ. Ачасем хӑйсем хатӗрленӗ сулӑ-парне, тӗрлӗ кукӑль, пирожнӑй сутрӗҫ. Шкул кӗрлерӗ. Чӑнах акатуй пулчӗ!
Акатуя ирттерме пулӑшакан волонтерсене - Нарспи Борисовӑна, Лидия Матросовӑна, Аня Курицынӑна, Саша Воробьева, Лиза Наумовӑна - тав тӑватпӑр. Фоторепортаж хатӗрлекенсене те - Настя Чуркинана, Анита Самаркинӑна, Анна Зверевӑна - пысӑк тав!
https://vk.com/album-8924897_283209206