Ку çула пирĕн республикăра Чăваш Енрен тухнă паллă ентешсен çулталăкĕ тесе йышăннă.Чăн та, пирĕн пĕчĕк тăрăхăмăртан ăслă-тăнлă, пултаруллă çынсем йышлă тухса çĕр-шывăн тĕрлĕ кĕтесне саланнă. Чăваш Ен авалхи историйĕпе, хăйне евĕрлĕ культура тата тĕнчипе чапа тухнă, чăваш ятне мухтава кăларнă çынсемпе палăрса тăрать. Пирĕн районтан та тĕнчипе паллă пулма пултарнă çынсем чылай.
Ака уйăхĕн 22-мĕшĕнче 9-10 класс ачисем Каçал районĕн паллă çыннисемпе паллашрĕç. Çыравçăсем ăçта çуралнине карттă çинче тупрĕç. Вĕсен паллă ĕçĕсемпе паллашрĕç. Д.Гордеев, В.Шемекеев, В.Туркай, К,Патман, Г.Чаржов, Л.Таллеров, Н.Максимов, Г. Уткин тата ытти писательсем те пысăк ĕссем çырса халăх патне илсе çитерме пултарнă. Çавăн пекех В.Немцов, Ю.Ксенофонтов, И.Бойков, И.Кокшин художниксем, Шупашкар хулин тěп архитекторě С.Лукьянов пултарулăхне пăхса тухрĕç. Спорт мастерĕсем пирĕн республикăна тата района тĕнче шайне çĕклеме пултарни çинчен калаçрĕç. Ачасем хастар хутшăнса тĕрлĕ ыйтусем çине хуравларĕç.Паллах, паллă ентешсем çинчен пирĕн пĕлмеллех. Вĕсен ырă тĕслĕхĕпе паллаштарса ачасен пултарулăхне аталантармалла.
