2022-мĕш çула Паллӑ ентешсен çулталӑкĕ тесе палӑртнӑ. Çулталӑк теми питĕ актуаллӑ тесе шутлатпӑр эпир те. Хамӑр ентешсем çинчен каласа пани, ас туни, пĕлни питĕ кирлĕ. Çитĕнсе пыракан ача-пӑча хӑй ентешĕсемпе мухтанма пултарни, вĕсенчен тĕслĕх илни паха пулӑм.

Пирĕн шкулта паян çулталӑка уçрӑмӑр. Уроксем пуçланиччен акт залĕнче пухӑнтӑмӑр. Савнӑ Чӑваш енĕмĕр çинчен çепĕç юрӑ янрарĕ, хĕрачасем чӑваш ташши парнелерĕç. Унтан Чӑваш республикин пуçлӑхĕ Олег Николаев çулталӑк темине епле палӑртни çинчен видеороликра каласа пачĕ.

Филиппова В. А. шкул ачисене Каçал районĕнчен тухнӑ паллӑ ентешсемпе паллаштарчĕ. «Каçал районĕнчи паллӑ ентешсем: виртуаллӑ карта» ятлӑ çĕнĕ проект хута кайни пирки пĕлтерсе пурне те хастар хутшӑнма чĕнчĕ. Проектӑн тĕп тĕллевĕ хамӑр районти паллӑ çынсем çинчен каласа парасси, район карти çинче палӑртасси. Ку ĕç епле аталаннине, пĕтĕмлетĕвне çулталӑк вĕçĕнче тепре каласа парӑпӑр. Паянхи куна пирĕн карта çинче 22 çын ячĕ. 100 çитерес тĕллев пур.