Пи-и-итĕ тунсăхлатăп сирĕнсĕр. Эх, унччен ман алăк кунне 300 хутран кая мар уçăлса хупăнатчĕ. Манпа эсир кулаттăр, выляттăр, хушăран кÿрентересси те пулатчĕ пуль, тарăхни те, тĕлĕнни те....


Çапах кичем пулман мана сирĕнпе нихçан та. Хăçан канăп-ши теттĕм. Акă халь канатăп. Канса ывăнсах çитрĕм. Чунтан сире курас килет. Питĕ кĕтетĕп сире хам патра. 

Çыхăнăва сирĕнпе татас килмест. Çавăнпа та сире вăййа чĕнес тесе шутларăм. Ака уйăхĕнче кашни çул эсир пурте чăн чăвашла тумланса мана илем кÿреттĕр. Савăнса çеç тăраттăм, пĕринчен тепри илемлĕ те пăхса ытараймастăм. Кăçал вара сирĕн илемлĕ чăваш тумĕсене кураймасăрах юлăп-ши.... 

Юратнă ачасем! Айтăр хамăр йăлана пăсар мар! Ака уйăхĕн 25-мĕшĕнче пурте чăваш тумне тăхăнса сăн ÿкерĕнер те контактри аватарка çине лартар. Шкулта чăваш кĕпипе çÿреймесен те кунта чăвашла пулар! #ЭпЧăвашАчи_ÇĕнĕМăратШкулĕ акци ирттерер çапла майпа. Фото лартар та #ЭпЧăвашАчи_ÇĕнĕМăратШкулĕ хештег манар мар.Çапла майпа чăваш кунне уявлар!

Ака уйăхĕн 20-25-мĕшĕнче тĕрлĕ вăйă конкурс ирттерме шутларăм, пĕтĕмпех контактра-интернетра. Ачасем, пи-и-и-итĕ кĕтетĕп сире:))
1) Акан 20-мĕшĕнче чăвашла мем конкурсĕ (мемсене хăвăр страницăна #ЭпЧăвашАчи_ÇĕнĕМăратШкулĕ #ЧăвашлаМем хештегсемпе лартмалла).

2) Акан 21-мĕшĕнче чăвашла вулакансен конкурсĕ ( кирек мĕнле хăвăра килĕшекен хайлава е сыпăка вуласа, аудио çырса хăвăр страницăна #ЭпЧăвашАчи_ÇĕнĕМăратШкулĕ #ЧăвашлаВулатпăр хештегсемпе лартмалла) .

3) Акан 22-мĕшĕнче иллюстраторсен конкурсĕ (хăвăра килĕшнĕ хайлав тăрăх ÿкерчĕк туса ун фотине хăвăр страницăна #ЭпЧăвашАчи_ÇĕнĕМăратШкулĕ #ЧăвашИллюстратор хештегсемпе лартмалла, хайлав авторне, ятне çырма ан манăр).

4) Акан 23-мĕшĕнче чăваш блоггерĕсен конкурсĕ (хăвăр старницăра кирек мĕнле чăваш йăли çинчен каласа парăр, ÿкерчĕк тупса лартăр, #ЭпЧăвашАчи_ÇĕнĕМăратШкулĕ #ЧăвашЙăли хештег лартма ан манăр).

5) Акан 24-мĕшĕнче чăвашла çыракансен конкурсĕ (хăвăр страницăра сире килĕшекен чăвашсен паллă çынни çинчен каласа парăр, фото лартăр #ЭпЧăвашАчи_ÇĕнĕМăратШкулĕ #МанăнЕнтеш хештегсем ан манăр).

Кашни хутшăнакан çак поста репост тăвать. Конкурс ĕçне хăвăр страницăра 25-мĕшчен тытсах тăрăр, ан хуратăр.

Акан 25-мĕшĕнче пĕтĕмлетÿ пулать. Чи маттуррисене парнесем кĕтеççĕ! Эсир пĕр конкурсĕнче çеç хутшăнма пултаратăр, пуринче те хутшăнма юрать. Кашни конкурс çĕнтерÿçисем парнеллĕ пулĕç. Çавăн пекех пур конкурсра та хутшăнакана та - чи хастаррине - парне кĕтет.

Салампа сире юратса - Çĕнĕ Мăрат шкулĕ