Çывхарса килекен уяв ячĕпе паян шкулта концерт пулчĕ. Концерт хĕрачасене ушкăнласа евĕрленĕ видеороликран пуçланчĕ. Зал ахăлтатса кулнинчен хĕрсем хăйсене палласа илнине ăнлантăмăр. Программăна йăлтах арçын ачасем хатĕрленĕ. Концертри пур номере те арçын ачасем кăтартрĕç. Ертсе пыракан кинемисем те каччăсемех пулчĕç.

Уявра салам сăввисем янрарĕç, аннесене, хĕрсене халалласа юрăсем шăранчĕç. Рубик кубикне пухса та тĕлĕтерчĕç каччăсем, çÿллĕ пирамидăсем те кăтартрĕç, купăспа, гитарăпа та вылярĕç. Арçын ачасен хорĕпе вĕçленчĕ концерт.

Уява аннесемпе кукамай-асаннесем те чылайăн пухăнчĕç. "Енчен те юрă-кĕвĕ хĕрсене аннесене кăшт та пулин савăк туйăм парнелерĕ пулсан пире те кăмăллă", - теççĕ каччăсем.

В честь наступающего праздника в школе состоялся праздничный концерт. Программу полностью составили мальчишки, они же выступали с номерами. Прозвучали поздравительные песни, стихи. Подарили зрителям новый видеоролик "Типы девочек", танец с пирамидами. "Праздник будем считать удавшимся, если нам удалось хоть немного порадовать мам и бабушек, девочек и учителей", - говорят ребята.
#РДШ