Лагерьте ачасем ěçсěр лармаççě, каникула усăллă та интереслě ирттереççě. Çак кунсенче вěсем «Курочка рябушка» юмах курма района кайса килчěç. Юмаха лартакан режиссер – хамăр ентеш, Нěркеç ялěнче çитěннě Валерий Карпов. Ачасем унпа паллашнăшăн, пěрле асăнмалăх сăн ӳкейнишěн пит хавас. Çавăн пекех лагерьте канакансем районти музейра та пулчěç, хамăр район çинчен нумай çěнни пěлчěç. Çулçӳревре ачасем Тимěрчкасси ачисемпе те паллашрěç, туслашрěç.