Кашни вĕренÿ  çÿлĕнче, йăлана кĕнĕ тăрăх , çĕнĕ Мăратри вăтам шкулта, Леня Борисова асăнса волейбол турнирне  ирттереççĕ. Борисов Леня, Сĕнĕ Мăрат каччи, 17 çулта Чечен вăрçинче паттăрăн пуçне хунă. Кăçал та, нумаях пулмасть, шкулта  ăна асăнса ăмăрту пулса иртрĕ.

   Ăмăртăва  пурĕ ултă команда хутшăнчĕ. Чи малтанах спортсменсем линейкăна пуçтарĕнчĕç. Шкул директорĕ Борисов А.С. кĕскен Л.Борисов пурнăçĕпе паллаштарчĕ, спортсменсене ăнăçу сунчĕ.

  Ăмăрту питĕ хĕрÿ иртрĕ, пурте тăрăшса  ăста вылярĕç. Çапах та Çĕнĕ Мăрат каччисене çитекен пулмарĕ. Шкул команди те, ял ачисен команди  1 вырăнсене çĕнсе илчĕç. Шкул ачисен хушшинче 2 мĕш вырăнта Шурут вăтам шкулĕ, 3 мĕш вырăнта _ Патăръел районĕнчи Первомайски вăтам шкулĕ.

   Ял çамрăкĕсен хушшинче 2 мĕш вырăнта  Тимĕрчкасси ял çамрăкĕсем, виççĕмĕш вырăнта Тăманлă Выçли ял çамрăкĕсем.

  Шкул поварĕсем Шуряшкина Е.В. .Михайлова  В.Н. спортсменсене тÿлевсĕр вĕри апатпа сăйларĕс. Командăсен ертÿçисем шкул дирекцине ăмăртăва лайăх йĕркеленĕшĕн тав турĕç.

  Шкул дирекцийĕ хăй  енчен  ăмăртăва  ирттерме пулăшнă   Комсомольскинчи налук инспекцийĕн пуçлăхĕн çумне Филиппов Г.Н., «Промкерамика» уçă акционерсен обществин тĕп пуçлăхне Васильев  В.Г., Тугай ял поселенийĕн пуςлăхне Андреева О.П., Çĕнĕ  Мăратри лесничествон пуçлăхне Истратий  З.Н., Çĕнĕ Мăратри йывăçран  япаласем туса кăларакан комбинат директорне Чернов А.Г., «Луч», «Заря». «Пайгас» ял хуçалăх кооперативĕн пуçлăхĕсене  Иванов Н.М., Киргизов Л.А., Фадеев В.И. юлташсене  пĕтĕм чун-чĕререн тав тăвать, çирĕп сывлăх, малашнехи ĕçре пысăк ӳсĕмсем  тума ырă сунать.